گؤزلرین کیمی
علی جوادپور
بو یاز گلیشیندن بللیدیر،
نئجه یازدیر!
بیلیرم یئنه اؤلوب ـ دیریلهجهیم
بیر جیغیردان یاپیشیب
نئچه داغین باشینا دولاناجاغام
من کی یانار اوجاغام
دئشیلهجک کؤزوم
داماریمدا قانیم قاینایاجاق
اریییب کئچهجهیم ایینه گؤزوندن
دویمایاجاغام بو یازین گؤزللیییندن!
یورولماق بیلمهیهجهیم
اَیر یورولسام؛
یورغونلوغومو یوخویا چاتاجاغام
یوخومو سحر یئلینه!
دلیلیییم قوشولاجاق بو یازین دلیلییینه.
بو دلی یاز یاشیل اولاجاق گؤزلرین کیمی
بو دلی یاز گؤزللیک بیتیرهجک!
بو دلی من، اؤلوسو اولاجاغام،
اؤلمک ـ دیریلمک بیتیرهجهیم!
بو یاز یئنه اؤلوب ـ دیریلهجهیم
بیلیرم.
یاز-1383
کؤچمک ایستهییرم
علی جوادپور
مین اوزلو دونیانیزلا، منکی باریشانمیرام
کؤنلومدن گؤیلر کئچیر، چتین دایانام، دورام
قویمایین بوندان آرتیق سیزی اینجیدم، یورام
دینلهیین بیر کؤنلومو، گؤرون نهلر دئییرم
چاتین دوهلریمی، من کؤچمک ایستهییرم
گؤرونور بؤیله گئتسه، آخیر قودورار دونیا
شیل اولار، آخساقلایار، دایانار، دورار دونیا
یورار، اؤزونو یورار، بیزیده یورار دونیا
او توخویانلاری من نییه گرک ایییرم
چاتین دوهلریمی، من کؤچمک ایستهییرم
داریشیب دونیانیندا قایاسین، داشین یئدیز
غمین سئوینج آدلی سیز ائکیز قارداشین یئدیز
نئچه نئچه کؤرپهنین یئدیز گؤز یاشین، یئدیز
گؤر کیمین کؤمهیینه من کیمی سسلهییرم
چاتین دوهلریمی من کؤچمک ایستهییرم
دیریکن اؤلدورولن دیریل وارلیغیم، دیریل
اوزولورم گؤرنده یاناغیندا یاشی، سیل
چینیمده آذربایجان، قولتوغومدا آنادیل
گئییرم ایینیمه گونشدن دون گئییرم
چاتین دوهلریمی من کؤچمک ایستهییرم
وارلیغیمی اودماغا، هرهنیز بیر اژدها
گئدیم گؤرمهسین سیزی، گؤرمهسین گؤزوم داها
بیر گئجهلیک یولوم وار، چاتاجاغام صاباحا
باغیشلایین دییهسن خطرینیزه دهییرم
چاتین دوهلریمی من کؤچمک ایستهییرم
آسلانیب اتهییندن، اتهییندن خیالین
من گئدیم سیزلر قالین، قالین دونیازلا قالین
مینین بوینونا اونون، اونو بوینوزا آلین
نه بوینونا مینیرم، نه بوینومو ایییرم
چاتین دوهلریمی من کؤچمک ایستهییرم
قاتار قاییتماز
علی جوادپور
نه اؤزون گلیرسن، نهده خبرین
یوخ، سنی آپاران قاتار قاییتماز.
یوللار یادیرغایار، اونودار
یوللار کورک اوسته یاتار،
قاتار قاییتماز!
گئدهر دیانماز کی ایلین قاتاری
گئدهر بئی قاتاری، گلین قاتاری
کیم دئییر قایتاراق گلین قاتاری
گئدهر گؤزدن ایتر، قاتار قاییتماز.
گئتدین ایندن بئله هر گلنده یاز
سولغون گؤرونهجک چیچکلر بیر آز
سونبوللر ساچینی کولک داراماز
ایللر باشا چاتار، قاتار قاییتماز.
گئدنده دولویدو بو بوش قاتارلار
دونیا قاتار- قاتار بوشالار، دولار
کیمدن کوسمک اولار، اینجیمک اولار
الین هارا یئتر، قاتار قاییتماز.
یاغیش یادداشلاردان ایزلر اونودور
هر گون عؤمروموزدن بیر گونو اودور
یالاندان گؤزلهییر “علی جوادپور”
یوخ، سنی آپاران قاتار قاییتماز.
بسم الله الرحمن الرحیم
دوست عزیزم و برادر عزیزم قصد هزار ضربه بر عقائد قدیم خود دارد و ادعا دارد که این سوالات بود که باعث شد ایشان شیعه شوند و دست از دین قبلی خود بردارند.
به جهت اینکه ایشان آسان تر و سریع تر به پاسخ خود برسند وبلاگ جامع ولایت یاوران تصمیم گرفته است مجموعه کلیپ های این بزرگوار را برای دانلود شما عزیزان ارائه دهد.
جهت دانلود کلیپ ایشان بر روی تصویر زیر کلیک کنید.
